ଵିଦିତାଖିଲ ଶାସ୍ତ୍ର ସୁଧା ଜଲଧେ
ମହିତୋପନିଷତ-କଥିତାର୍ଥ ନିଧେ |
ହୃଦୟେ କଲୟେ ଵିମଲଂ ଚରଣଂ
ଭଵ ଶଙ୍କର ଦେଶିକ ମେ ଶରଣମ || 1 ||

କରୁଣା ଵରୁଣାଲୟ ପାଲୟ ମାଂ 
ଭଵସାଗର ଦୁଃଖ ଵିଦୂନ ହୃଦମ |
ରଚୟାଖିଲ ଦର୍ଶନ ତତ୍ତ୍ଵଵିଦଂ 
ଭଵ ଶଙ୍କର ଦେଶିକ ମେ ଶରଣମ || 2 ||

ଭଵତା ଜନତା ସୁହିତା ଭଵିତା 
ନିଜବୋଧ ଵିଚାରଣ ଚାରୁମତେ |
କଲୟେଶ୍ଵର ଜୀଵ ଵିଵେକ ଵିଦଂ 
ଭଵ ଶଙ୍କର ଦେଶିକ ମେ ଶରଣମ || 3 ||

ଭଵ ଏଵ ଭଵାନିତି ମେ ନିତରାଂ 
ସମଜାୟତ ଚେତସି କୌତୁକିତା |
ମମ ଵାରୟ ମୋହ ମହାଜଲଧିଂ
ଭଵ ଶଙ୍କର ଦେଶିକ ମେ ଶରଣମ || 4 ||

ସୁକୃତେ‌உଧିକୃତେ ବହୁଧା ଭଵତୋ 
ଭଵିତା ସମଦର୍ଶନ ଲାଲସତା |
ଅତି ଦୀନମିମଂ ପରିପାଲୟ ମାଂ 
ଭଵ ଶଙ୍କର ଦେଶିକ ମେ ଶରଣମ || 5 ||

ଜଗତୀମଵିତୁଂ କଲିତାକୃତୟୋ
ଵିଚରନ୍ତି ମହାମାହ ସଚ୍ଛଲତଃ | 
ଅହିମାଂଶୁରିଵାତ୍ର ଵିଭାସି ଗୁରୋ 
ଭଵ ଶଙ୍କର ଦେଶିକ ମେ ଶରଣମ || 6 ||

ଗୁରୁପୁଙ୍ଗଵ ପୁଙ୍ଗଵକେତନ ତେ 
ସମତାମୟତାଂ ନ ହି କୋ‌உପି ସୁଧୀଃ |
ଶରଣାଗତ ଵତ୍ସଲ ତତ୍ତ୍ଵନିଧେ 
ଭଵ ଶଙ୍କର ଦେଶିକ ମେ ଶରଣମ || 7 ||

ଵିଦିତା ନ ମୟା ଵିଶଦୈକ କଲା
ନ ଚ କିଞ୍ଚନ କାଞ୍ଚନମସ୍ତି ଗୁରୋ | 
ଦୃତମେଵ ଵିଧେହି କୃପାଂ ସହଜାଂ 
ଭଵ ଶଙ୍କର ଦେଶିକ ମେ ଶରଣମ || 8 ||