વિદિતાખિલ શાસ્ત્ર સુધા જલધે
મહિતોપનિષત-કથિતાર્થ નિધે |
હૃદયે કલયે વિમલં ચરણં
ભવ શઙ્કર દેશિક મે શરણમ || 1 ||

કરુણા વરુણાલય પાલય માં 
ભવસાગર દુઃખ વિદૂન હૃદમ |
રચયાખિલ દર્શન તત્ત્વવિદં 
ભવ શઙ્કર દેશિક મે શરણમ || 2 ||

ભવતા જનતા સુહિતા ભવિતા 
નિજબોધ વિચારણ ચારુમતે |
કલયેશ્વર જીવ વિવેક વિદં 
ભવ શઙ્કર દેશિક મે શરણમ || 3 ||

ભવ એવ ભવાનિતિ મે નિતરાં 
સમજાયત ચેતસિ કૌતુકિતા |
મમ વારય મોહ મહાજલધિં
ભવ શઙ્કર દેશિક મે શરણમ || 4 ||

સુકૃતે‌உધિકૃતે બહુધા ભવતો 
ભવિતા સમદર્શન લાલસતા |
અતિ દીનમિમં પરિપાલય માં 
ભવ શઙ્કર દેશિક મે શરણમ || 5 ||

જગતીમવિતું કલિતાકૃતયો
વિચરન્તિ મહામાહ સચ્છલતઃ | 
અહિમાંશુરિવાત્ર વિભાસિ ગુરો 
ભવ શઙ્કર દેશિક મે શરણમ || 6 ||

ગુરુપુઙ્ગવ પુઙ્ગવકેતન તે 
સમતામયતાં ન હિ કો‌உપિ સુધીઃ |
શરણાગત વત્સલ તત્ત્વનિધે 
ભવ શઙ્કર દેશિક મે શરણમ || 7 ||

વિદિતા ન મયા વિશદૈક કલા
ન ચ કિઞ્ચન કાઞ્ચનમસ્તિ ગુરો | 
દૃતમેવ વિધેહિ કૃપાં સહજાં 
ભવ શઙ્કર દેશિક મે શરણમ || 8 ||