বিদিতাখিল শাস্ত্র সুধা জলধে
মহিতোপনিষত-কথিতার্থ নিধে |
হৃদয়ে কলয়ে বিমলং চরণং
ভব শঙ্কর দেশিক মে শরণম || 1 ||

করুণা বরুণালয় পালয় মাং 
ভবসাগর দুঃখ বিদূন হৃদম |
রচয়াখিল দর্শন তত্ত্ববিদং 
ভব শঙ্কর দেশিক মে শরণম || 2 ||

ভবতা জনতা সুহিতা ভবিতা 
নিজবোধ বিচারণ চারুমতে |
কলয়েশ্বর জীব বিবেক বিদং 
ভব শঙ্কর দেশিক মে শরণম || 3 ||

ভব এব ভবানিতি মে নিতরাং 
সমজায়ত চেতসি কৌতুকিতা |
মম বারয় মোহ মহাজলধিং
ভব শঙ্কর দেশিক মে শরণম || 4 ||

সুকৃতে‌உধিকৃতে বহুধা ভবতো 
ভবিতা সমদর্শন লালসতা |
অতি দীনমিমং পরিপালয় মাং 
ভব শঙ্কর দেশিক মে শরণম || 5 ||

জগতীমবিতুং কলিতাকৃতয়ো
বিচরন্তি মহামাহ সচ্ছলতঃ | 
অহিমাংশুরিবাত্র বিভাসি গুরো 
ভব শঙ্কর দেশিক মে শরণম || 6 ||

গুরুপুঙ্গব পুঙ্গবকেতন তে 
সমতাময়তাং ন হি কো‌உপি সুধীঃ |
শরণাগত বত্সল তত্ত্বনিধে 
ভব শঙ্কর দেশিক মে শরণম || 7 ||

বিদিতা ন ময়া বিশদৈক কলা
ন চ কিঞ্চন কাঞ্চনমস্তি গুরো | 
দৃতমেব বিধেহি কৃপাং সহজাং 
ভব শঙ্কর দেশিক মে শরণম || 8 ||